Divizioni për Raportim dhe Monitorim udhëhiqet nga shefi i Divizionit për Raportim dhe Monitorim, i përgjigjet drejtpërsëdrejti KE dhe kryen këto punë:
përgatit raporte për Kosovën mbi përmbushjen e obligimeve ndërkombëtare në fushën e barazisë gjinore, të cilat miratohen nga qeveria;
koordinon punën rreth përgatitjes së Programit të Kosovës për Barazi Gjinore, dhe monitoron zbatimin e tij;
propozon kushtet dhe kriteret për financim të pjesshëm të cilin e përcakton qeveria;
propozon nisma për hulumtim dhe analiza në fushën e barazisë gjinore;
punon në ngritjen e vetëdijes së përgjithshme për barazinë gjinore;
i raporton Qeverisë çdo vit, për veprimtarinë e Agjencisë për vitin paraprak, më së voni deri në fund të muajit Mars.
