Lajme

Agjencia për Barazi Gjinore Shënon 16 Ditë Aktivizmi kundër Dhunës me Dy Ngjarje të Rëndësishme

Në kuadër të 16 Ditëve të Aktivizmit kundër Dhunës, Agjencia për Barazi Gjinore e shenoi me dy ngjarje njera simbolike dhe tjetra nformative, duke theksuar rëndësinë e veprimit të përbashkët për të luftuar dhunën në familje dhe dhunën ndaj grave. Aktivitetet u fokusuan në ngritjen e ndërgjegjësimit dhe mbështetjen për viktimat e dhunës gjinore.

Njëra  ngjarje ishte ndriçimi i ndërteses të qeverisë me kordela të bardha, një simbol i përdorur për të shënuar angazhimin për të luftuar dhunën në bazë gjinore dhe për të promovuar paqen, barazinë dhe respektin për të drejtat e grave dhe vajzave.Kordela e bardhë është simbol  ndërkombëtare i fushatës kundër dhunës ndaj grave dhe është një simbol i solidaritetit me viktimat e dhunës. Ky ndriçim i ndërteses të qeverisë me kordela të bardha dhe ngjyren e portokallit eshte  një apel për ndërgjegjësimin e publikut dhe për të treguar angazhimin e shtetit për krijimin e një shoqërie të sigurt dhe të drejtë për të gjitha gratë dhe vajzat.

Përveç këtij akti simbolik, Agjencia për Barazi Gjinore gjithashtu lansoi një videospotin "Roli i Mekanizmave Koordinues lokalë për mbrojtje nga dhuna në familje, dhuna ndaj grave dhe dhuna në bazë gjinore që adreson rolin e mekanizmave koordinues lokalë për mbrojtjen e viktimave të dhunës". Videospot e ve theksin ne  bashkëpunimin ndërinstitucional dhe rëndësinë e koordinimit mes institucioneve shtetërore dhe organizatave të shoqërisë civile për ofrimin e mbrojtjes dhe mbështetjes për viktimat e dhunës në familje dhe ndaj grave.

Linku i Videospotit :

https://www.youtube.com/watch?v=XQ6qz-zrrtg

https://abgj.rks-gov.net/publikimet/120/video/120